శ్రీ దత్త నవరత్నాలు

శ్రీ దత్త నవరత్నాలు

1. నమస్తే త్రిమూర్తి స్వరూపోజ్వలాయ - నమస్తే త్రిధా సర్గ రక్షాలయాయ |
నమస్తే త్రిశక్త్యఙ్గనా వల్లభాయ - పరబ్రహ్మ దత్తాయ భూయో నమస్తే ||

2. నమస్తే త్రిలోకాది మధ్యాత్యయాయ - నమస్తే త్రికాలార్ధ సన్దర్శనాయ  |
నమస్తే త్రిపుట్యర్ధ సద్బోధకాయ - పరబ్రహ్మ దత్తాయ భూయో నమస్తే ||

3. నమస్తే త్రివేద స్వరోచ్చారణాయ - నమస్తే త్రిపుణ్ర్డోర్ధ్వ రేఖాముఖాయ |
నమస్తే త్రిణేత్రాన్తరాలోకనాయ - పరబ్రహ్మ దత్తాయ భూయో నమస్తే ||

4. నమస్తే త్రిధాచార్య రూపాగతాయ - నమస్తే త్రివేదాన్త సంస్థాపకాయ |
నమస్తే త్రిభాష్య ప్రయాగాన్వయాయ - పరబ్రహ్మ దత్తాయ భూయో నమస్తే ||

5. నమస్తే త్రిబన్ధేషణా ఖణ్డనాయ - నమస్తే త్రికర్మేధ్మ దాహానలాయ |
నమస్తే త్రిదేహైక మోక్ష ప్రదాయ - పరబ్రహ్మ దత్తాయ భూయో నమస్తే ||

6. నమస్తే త్రిపాదార్ధ మన్త్రాధిపాయ - నమస్తే త్రిమన్త్రైక మోక్షప్రదాయ |
నమస్తే త్రివర్ణైక వర్ణేరితాయ - పరబ్రహ్మ దత్తాయ భూయో నమస్తే ||

7. నమస్తే ధరామణ్డలే సఞ్చరాయ - నమస్తే చతుస్సారమేయావృతాయ |
నమస్తే సకృద్భిన్న రూపేక్షితాయ - పరబ్రహ్మ దత్తాయ భూయో నమస్తే ||

8. నమస్తే శివబ్రహ్మ విష్ణ్వాననాయ - నమస్తే షడబ్జాంశు పాణి వ్రజాయ |
నమస్తే உనసూయాత్రి పుత్రాయితాయ - పరబ్రహ్మ దత్తాయ భూయో నమస్తే ||

9. నమస్తే మహా ఙ్ఞాన సత్పణ్డితాయ - నమస్తే గురుశ్రేణి రాజోత్తమాయ |
నమస్తే మహాయోగ పీఠేశ్వరాయ - పరబ్రహ్మ దత్తాయ భూయో నమస్తే ||

ఫలశ్రుతి.
దత్తాయ నవరత్నానాం - శ్లోకమాలాం సమర్పితాం |
కృష్ణేన పఠతాం సిద్ధః - శ్రీ దత్త సదనుగ్రహః ||