శ్రీ దత్త దేవం శిరసా నమామి (పల్లవి)
శ్రీ దత్తదేవం శిరసా నమామి - గురుదత్తదేవం వచసాభజామి |
ప్రభుదత్తదేవం మనసా స్మరామి - శ్రీ దత్త దేవం శిరసా నమామి ||
ఓంకార మంత్రార్ధ పరమాత్మ తత్త్వం - నిర్గుణ బ్రహ్మైవ గుణరూప మాద్యమ్ |
అత్రి తపః ఫల దత్త మాత్రేయం - అనసూయా గర్భ వరవత్స రూపమ్ |
బ్రహ్మ విష్ణు శివ వదనత్రయాబ్జం - వాణీశ లక్ష్మీశ గౌరీశ మేకమ్ |
కోటిత్రయ సుర వట తరుమూలం - శంఖ చక్ర యుగ వైష్ణవ హస్తమ్ |
ఢమరు త్రిశూలక శంకరపాణిం - మాలా కమండలు బ్రహ్మకరాబ్జమ్ |
కాషాయ కౌశేయ కమనీయ చేలం - కటి తట పాదాంత పీతాంబరంతమ్ |
మేఖలార్ధోరుక శార్ధూలకృత్తిం - శునకాయిత చతురామ్నాయ పాదమ్ |
రక్షార్ధ మాశ్రిత గోరూప ధర్మం - కార్త వీర్యార్జున సామ్రాజ్యమూలమ్ |
పరశురామ శిష్య పరమాచార్యం - శంకరాచార్య చండాలవేషమ్ |
యోగీశ్వర యొగిరాజైక వాచ్యం - కరతలామలకాణి మాద్యష్ట సిద్ధిం |
విష్ణుదత్త స్త్రోత్ర పరమానందం - సృష్ట్యాది సృష్ట్యంత నిత్యావతారం |
గణపతిపరూపం స్కంద స్వరూపం - మణికంఠ రూపం మారుతి రూపం |
రామకృష్ణ వీరభద్ర స్వరూపం - కాళికా రాజేశ్వరీ శక్తి రూపం |
శ్రీ విద్య యంత్ర మంత్రాది బోధం - ఆదిత్యాది నవగ్రహాకారం |
ఓంకార హృదయస్ధ గ్రహపతి భానుం - ఐం బీజ శంఖస్ధ పూర్ణేందు బింబం |
క్రోం బీజచక్రస్ధ కుజగ్రహంతం - క్లీం బీజ ఢమరుక స్ధిత బుధకేటం |
క్లూం బీజ జలపాత్ర గురుగ్రహంతం - హ్రాం బీజపదామ శుక్రగ్రహంతం |
హ్రీం బీజ శూలస్థ శనైశ్చరంతం - హ్రూం బీజవామాంఘ్రి కేతుగ్రహంతం |
సౌరితి దక్షిణ పాదస్థ రాహుం - దత్తాత్రేయాయ నమ ఇతి పూర్ణం |
శ్రీ పాద నృసింహ సమర్ధ గురు రూపం - మాణిక్య ప్రభు సాయిస్వరూపం |
సర్వ మత దేవతా సాధు జన రూపం - కలియుగే చిత్రాణి ప్రదర్శయంతం |
విశ్వరూపే మధ్య వదనత్రయేక్ష్యం - స్మార్త వైష్ణవ శైవ సర్వైక దేవం |
గురుశబ్ద తాత్పర్య పర్యవసానం - వేదశాస్త్ర ఙ్ఞాన పండిత రాజం |
గురుశిష్య సంప్రదా యాదాచార్యం - ధీ ప్రచోదక గురు గాయత్ర్యర్ధం |
మతత్రయాచార్య సిద్ధాంత మూలం - గురు చతుర్వింశతి తత్త్వయదుబోధం |
వేదాంత శాస్త్ర ప్రధమాచార్యం - మునిసురాణామపి పరీక్షకంతమ్ |
సృష్టి స్ధితి ప్రళయ కారి త్రివక్త్రం - అష్ట సిద్ధికర మష్టై శ్వర్య దానం |
ఆయురారోగ్య సంతాన వరదనం - దివ్య మంగళశోభి వరదాన మూర్తిం |
జిహ్వాగ్రవక్ష శ్శరీరార్ధ శక్తిం - విద్యా మహైశ్వర్య మహిమ ప్రదానం |
అష్ట సిద్ధి ప్రదానైకాధికారం - పరుశురామ చిత్త శాంతి ప్రదానం |
జన్మ రహితమత ఏవదత్తాఖ్యం - దత్త పుత్ర్రాయిత నిజ భక్తవత్సం |
దేవతానామేవ దావతా స్థానం - కోటీ త్రయస్త్రింశ దేవత్రిమూర్తిం |
పరమహంసారాధ్య దిగంబరాంగం - సన్యాసి మోక్షార్ధ మవధూతరూపం |
వాంఛిత వరదాన షడ్భుజమూర్తిం - ధనసుతాది వరద త్రిముఖస్వరూపం |
భక్తి మార్గేణైవ కేవలసాధ్యం - నిర్గుణం సర్వగుణ భూతావతారం |
ఙ్ఞానినం యోగినం వేద కర్మిష్టం - భక్త పరీక్షార్ధ మాయావిరూపం |
చిత్ర విచిత్ర కలియుగ లీలం - సాక్షాత్పరబ్రహ్మ శబ్దార్ధమేకం |
బ్రహ్మతేజో దివ్య సౌందర్య రూపం - నవకోటి మన్మధ లావణ్యాంగం |
త్రితిలక కుంకుమ భస్మోర్ధ్వ పుండ్రం - బ్రహ్మచారిణమాది బ్రహ్మర్షి విప్రం |
ఆచార హీనం సదాచార వంతం - కర్తుమకర్తుం వికర్తుం సమర్ధం |
పరశురామాయైవ కర్మాచార్యం - మధుపాన మత్తం నమూఢైర్దృష్టం |
సర్వ మంత్ర సిద్ధి ప్రదవామముష్టిం - విష్ణు దత్త శ్రాద్ధ నిమంత్రిత విప్రం |
కాశీపురస్నాన కరవీరసాంధ్యం - మాహురీపురభైక్ష్య సహ్యాద్రినిద్రం |
గోరక్షనాధాయ దత్తగురుగీతం - ప్రహ్లాదభక్తాయ ముక్తి ప్రదానం |
మేరుదక్షిణ పీఠ ఖేచరీముద్రం - వక్షస్స్థలోద్భసి యఙ్ఞోపవీతం |
కాలజటాబంధ కేశకిరీటం - స్ఫటికదామ తులసీ రుద్రాక్షహారం |
మందారకుందాతసీపుష్ప మాలం - వేదశునకాఘ్రాత పాదుకాపాదం |
చరణాంచిత కమల శంఖచక్రాంకం - బ్రహ్మ ముఖ రసనాగ్ర భారతీనృత్యం |
వక్షస్థలస్థిత లక్ష్మీవిలాసం - రుద్రముఖవామార్ధ పార్వతీహాసం |
యదుయాచనా యదు వంశావతీర్ణం - పింగళనాగాయ శంకర రూపం |
ఇంద్రాయజంభాంతకరలక్ష్మీశం - బదరికావనసిద్ధ బ్రహ్మ స్వరూపం |
అలర్క శిష్యాయ మాయావధూతం - శీలాఖ్య విప్రాయ సశునకవిప్రం |
శ్యామారుణధవల మిశ్రమ వర్ణం - భక్తి వాత్సల్యేన దత్తసాయుజ్యం |
ఆదిశేషేణాపి వక్తుమశక్యం - బృహస్పతినాపి బోద్ధుమశక్యం |
శ్రీ దత్తదేవం శిరసా నమామి - గురుదత్తదేవం వచసా భజామి |
ప్రభుదత్తదేవం మనసా స్మరామి - శ్రీ దత్త దేవం శిరసా నమామి ||