(సతీదేవి హిమవంతునకు పార్వతి నామధేయముతో జన్మించి, శివుని వరించి తపము చేయుచున్నప్పుడు శివదేవుడు కుహనావటువు రూపంలో వచ్చి ఆమె దీక్షను పరీక్షించుట).
గౌరి పరీక్షకు బ్రహ్మచారిగా వచ్చుచున్నాడు వామదేవుడు (పల్లవి)
సుందర తాపస తరుణ వేషమున - బ్రహ్మతేజమే ప్రజ్వరిల్లగా |
కరముల దండ కమండలు ధారిగ- పండితోత్తముడు హుటాహుటి నడచి ||
చరణ పాదుకలు ధ్వనులను చేయగ - బ్రహ్మ వర్చస్సు ముఖమున చిందగ |
తేజోమయ ననయంబుల చూచుచు - సన్న నవ్వు అధరంబున వెలయగ ||
విభూతి రేఖలు మధ్య కుంకుమము - ఎర్ర కాశ్మీర శాలువ భుజముల |
వేదమంత్రముల తియ్యగ పలుకుచు - బ్రాహ్మణ నైష్ఠిక గాంభీర్యముతో ||