(శివ పంచాక్షరీ మహిమ వర్ణనము.)
ఓం నమః శివాయ ఓం నమః శివాయ।
పంచాక్షరి ఇది పరమ పావనము॥ (పల్లవి)
పంచభూతములపై ఆధిపత్యమును -
ప్రసాదించగల మహామంత్రము।
సుందర కవితా చాతుర్యరీతి -
ననుగ్రహించెడి మహా మంత్రము॥
వేదాంత జలధి మథనామృతమగు -
ఙ్ఞానమునిచ్చెడి మహామంత్రము।
సర్వవిక్షోభ ప్రశమన కరమై -
మనశ్శాంతినిడు మహామంత్రము॥
అష్టసిద్ధులను అవలీలగాజేయు -
శక్తినిచ్చెడి మహామంత్రము।
చక్రాలదాటి సహస్రారమున -
శివునిఁ జేర్చెడి మహామంత్రము॥
ఆదిదేవుని అంఘ్రి పద్మముల -
భక్తి నొసగెడి మహామంత్రము।
నిష్థానిశ్చల యమనియమాసన -
ధ్యానయోగకర మహామంత్రము॥
సంసారవాసనా విషయ ధ్వంసక -
కామదహనమీ మహామంత్రము।
అనన్యమద్భుత వైరాగ్యమిచ్చు -
సర్వ పాపహర మహామంత్రము॥
