కాశీవాసా ! కాలభైరవా !
కరుణించవేల? కాలకంధరా (పల్లవి)
విషయవాసనలు విషసర్పములై -
కాటువేయగా నేనేమి చేతు।
హాలాహలమునె మధురామృతముగ -
త్రాగిన దేవా ! కాపాడరావా?॥
కామాది గుణములు కలి రాక్షసులు -
క్రమ్ముకొనిరి నను నేనేమి చేతు।
కాముని త్రిపురుల చూచి బూడిదగ -
చేసిన దేవా ! చేదుకొనరావా॥
చింతల పలుగుల పోటుల చిత్తము -
చూర్ణమయ్యెనుగ నేనేమి చేతు।
అట్టహాసమున జగముల చూర్ణము -
కావించు దేవా ! కరుణించలేవా॥
ఏకాగ్రతతో ఏకదృష్టితో -
నినుఁ జూడలేను నేనేమి సేతు।
ఏకాద్వితీయ హే దత్త దేవ ! -
మదన దాహక! మాం పాహి పాహి॥
