ബ്രാഹ്മണാത്മാക്കളുടെ ആദ്യ തലമുറയോട് ദൈവം പക്ഷപാതം കാണിക്കുന്നില്ലേ?

[Translated by devotees of Swami]

[മിസ്സ്‌. ഗീതാ ലഹരി ചോദിച്ചു:- പാദനമസ്കാരം, സ്വാമി. ആദ്യ തലമുറയിലെ ആത്മാക്കൾക്ക് ദൈവം നിശ്ചയിച്ച ജനനത്തെ അടിസ്ഥാനമാക്കിയുള്ള ജാതി ഉണ്ടായിരുന്നു. ആത്മാക്കളുടെ അടുത്ത തലമുറകൾക്ക് ജാതി തിരഞ്ഞെടുക്കാനുള്ള സ്വാതന്ത്ര്യം ഉണ്ടായിരുന്നു, അതിനാൽ അത് ഗുണങ്ങളെയും പ്രവൃത്തികളെയും അടിസ്ഥാനമാക്കി തീരുമാനിക്കപ്പെട്ടു. ആദ്യത്തെ തലമുറ എന്നാൽ 32 ലക്ഷം വർഷം നീണ്ടുനിൽക്കുന്ന മുഴുവൻ സത്യയുഗമാണെന്നും അങ്ങ് പറഞ്ഞു. അങ്ങനെയെങ്കിൽ, ജന്മനാ ബ്രാഹ്മണനായി ജനിക്കുന്ന ആത്മാവ് ഈശ്വരനെക്കുറിച്ചുള്ള ജ്ഞാനത്താൽ അനുഗ്രഹിക്കപ്പെടുകയും മറ്റ് മൂന്ന് ജാതികളുടെ ആത്മാക്കളെ അപേക്ഷിച്ച് എളുപ്പത്തിൽ ഈശ്വരൻ്റെ വാസസ്ഥലത്ത് എത്തിച്ചേരുകയും ചെയ്യും. ഈശ്വരൻ്റെ പക്ഷപാതമല്ലേ പ്രഥമ ബ്രാഹ്മണാത്മാവിൻ്റെ ആത്മീയ യാത്രയെ സഹജമായി എളുപ്പവും വേഗവുമാക്കുന്നത്. ദയവായി എന്നെ ബോധവൽക്കരിക്കുക. – അങ്ങയുടെ ദിവ്യ താമര പാദങ്ങളിൽ, ഗീത ലഹരി]

സ്വാമി മറുപടി പറഞ്ഞു:- ശുദ്ധമായ അവബോധം (പ്യുർ അവർനെസ്സ്) ഉൾക്കൊള്ളുന്ന നാല് ആത്മാക്കളെ ദൈവം സൃഷ്ടിച്ചു. ഒരു ആത്മാവിന് ഒരു കടമയും മറ്റൊരു ആത്മാവിന് മറ്റൊരു കടമയും അവൻ ഏൽപ്പിച്ചു. ഇവിടെ പക്ഷപാതം ഉണ്ടെന്ന് എങ്ങനെ പറയാൻ കഴിയും? ശുദ്ധജലം നിറച്ച നാല് കുപ്പികളാണ് നിങ്ങൾ എടുത്തത്. നിങ്ങൾ നാല് വ്യത്യസ്ത കുപ്പികളിലേക്ക് വെവ്വേറെ നാല് വ്യത്യസ്ത നിറങ്ങൾ ചേർത്തു. ഒരു കുപ്പിയിൽ ഒരു നിറം മാത്രമേ ലഭിക്കൂ. നാല് കുപ്പികൾക്കും ഏതെങ്കിലും പ്രത്യേക നിറം ലഭിക്കാനുള്ള സാധ്യത തുല്യമാണ്.

സത്യയുഗത്തിൽ സ്വതന്ത്ര ഇച്ഛാശക്തി (ഫ്രീ വിൽ) ഇല്ലായിരുന്നു. ദൈവം ഒരു പ്രത്യേക ജാതി ആയി നിശ്ചയിച്ച ആദ്യ ആത്മാവിൻ്റെ മക്കൾ, ആ തൊഴിലിൻ്റെ അറിവ് ഒരു ചോയിസുമില്ലാതെ പഠിച്ചു. അറിവ് പഠിക്കുന്നത് എല്ലായ്പ്പോഴും ഒരു പ്രത്യേക കുട്ടി വളരുന്ന അന്തരീക്ഷത്തെ ആശ്രയിച്ചിരിക്കുന്നു. അതിനാൽ, ആ ജാതിയുടെ പിൻഗാമികൾ സത്യയുഗത്തിൽ, പ്രത്യേകിച്ച് സ്വതന്ത്ര ഇച്ഛാശക്തിയുടെ അഭാവത്തിൽ, തലമുറതലമുറയായി ആ അറിവിൽ പ്രാവീണ്യം നേടി. പിന്നീട്, മറ്റ് യുഗങ്ങളിൽ, ദൈവം ഇച്ഛാസ്വാതന്ത്ര്യം നൽകി, അതിനാൽ, ഏത് ജാതിയിൽപ്പെട്ട വിജ്ഞാനരേഖയും തിരഞ്ഞെടുക്കാനുള്ള സ്വാതന്ത്ര്യം ഉണ്ടായിരുന്നു. അതിനാൽ, സത്യയുഗത്തിനുശേഷം ജാതി വ്യവസ്ഥയുടെ നിർവചനം മാറ്റി. സത്യയുഗത്തിൽ ജാതി തീരുമാനിക്കുന്നത് ജന്മം കൊണ്ടാണെന്നായിരുന്നു നിർവചനം. പിന്നീട്, മറ്റ് യുഗങ്ങളിൽ, ജാതി നിർണ്ണയിക്കുന്നത് ഒരു വ്യക്തിയുടെ ഗുണങ്ങളും പ്രവൃത്തികളും അനുസരിച്ചാണ്, അല്ലാതെ ജന്മം കൊണ്ടല്ല.

സത്യയുഗത്തിൽ ബ്രാഹ്മണർക്ക് മറ്റ് ജാതികളെ അപേക്ഷിച്ച് ആത്മീയ ജ്ഞാനത്തിൽ വളരെക്കാലം ആയിരിക്കാൻ പ്രത്യേക  അനുകൂല്യം നൽകി എന്നതാണ് നിങ്ങളുടെ എതിർപ്പ്. ഇവിടെ, നിങ്ങൾ ഒരു അടിസ്ഥാനപരമായ തെറ്റ് ചെയ്തു. ബ്രാഹ്മണർ മറ്റെല്ലാ ജാതികളോടും ആദ്ധ്യാത്മിക ജ്ഞാനം പ്രബോധിപ്പിക്കണം എന്നുള്ളതാണ് സങ്കൽപം. ആത്മീയ ജ്ഞാനം ബ്രാഹ്മണരുടെ ഇടയിൽ മാത്രം സൂക്ഷിച്ചു വെയ്ക്കപ്പെട്ടിരുന്നില്ല. മറ്റെല്ലാ ജാതിക്കാർക്കും ബ്രാഹ്മണരിൽ നിന്നാണ് ആത്മീയ ജ്ഞാനം ലഭിച്ചത്. ആത്മീയ ജ്ഞാനം പരിശീലിക്കുന്നവരെ ദൈവം അനുകൂലിക്കുന്നു. ഒരു ബ്രാഹ്മണൻ ആത്മീയ ജ്ഞാനത്തിൻ്റെ പ്രചാരകനായിരിക്കാം, പക്ഷേ അത് പരിശീലിക്കണമെന്നില്ല. ഒരു ബ്രാഹ്മണനിൽ നിന്ന് ആ ആത്മീയ ജ്ഞാനം സ്വീകരിക്കുന്ന മറ്റൊരു ജാതിയിൽപ്പെട്ട ഒരാൾ അത് പരിശീലിച്ച് ദൈവകൃപ ലഭിച്ചേക്കാം. ഒരു ഫിസിക്‌സ് അധ്യാപകൻ ഒരു ക്ലാസിൽ ഫിസിക്‌സ് പഠിപ്പിക്കുകയും എല്ലാ വിദ്യാർത്ഥികൾക്കും സംശയങ്ങൾ ദൂരീകരിക്കുകയും ചെയ്യുന്നു. ആ ടീച്ചറുടെ മകൻ ആ ക്ലാസ്സിലുണ്ടാകും. പിതാവായതിനാൽ, അധ്യാപകൻ തൻ്റെ മകന് എന്തെങ്കിലും അധിക അറിവ് നൽകുന്നുണ്ടോ?

പക്ഷപാതം അർത്ഥശൂന്യമാണ്, കാരണം ഏത് വാട്ടർ ബോട്ടിലിനും ആകസ്മികമായി ഏത് നിറവും ലഭിക്കാനുള്ള തുല്യ സംഭാവ്യതയുണ്ട് (പ്രോബബിലിറ്റി). സത്യയുഗത്തിലെയും മറ്റ് യുഗങ്ങളിലെയും തുടർന്നുള്ള നടപടിക്രമങ്ങൾക്ക് പക്ഷപാതമില്ല, കാരണം ആത്മീയ ജ്ഞാനം പ്രബോധനം ചെയ്യുന്നത് അത് പരിശീലിച്ച് ദൈവിക ഫലം കൈവരിക്കുക എന്നല്ല. എല്ലാവരോടും പ്രബോധനം ചെയ്യപ്പെടുന്നു, യഥാർത്ഥ താൽപ്പര്യമെടുത്ത് അത് പരിശീലിക്കുന്ന ഏതൊരാൾക്കും ദൈവിക ഫലം ലഭിക്കുന്നു.