ഒരു ആത്മാവിന്റെ ഭക്തിയിൽ പ്രസാദിച്ചാൽ ദൈവം പൂർവ്വികർക്കും മോക്ഷം നൽകുമോ?

[Translated by devotees of Swami]

മിസ്സ്‌. ഭാനു സാമ്യക്യ ചോദിച്ചു: പാദനമസ്കാരം സ്വാമി, ഒരു ഭക്തന്റെ ഭക്തിയിൽ ദൈവം പ്രസാദിക്കുമ്പോൾ, ദൈവം ഭക്തന് മാത്രമല്ല, 21 തലമുറകളിൽപ്പെട്ട ഭക്തന്റെ പൂർവ്വികർക്കും മോക്ഷം നൽകുന്നുവെന്ന് ഞാൻ കേട്ടു. അത് സത്യമാണോ സ്വാമി? ഓരോ ആത്മാവിന്റെയും ആത്മീയ യാത്ര ദൈവവുമായുള്ള വ്യക്തിഗത അക്കൗണ്ടാണെന്ന് അങ്ങ് ഞങ്ങളെ പഠിപ്പിച്ചു. ബയോളോജിക്കൽ പൂർവ്വികർക്ക് അവരുടെ ബയോളോജിക്കൽ പിൻഗാമികളുടെ ആത്മീയ പ്രയത്നത്താൽ മോക്ഷം ലഭിക്കുന്നുവെങ്കിൽ, മേൽപ്പറഞ്ഞ പ്രസ്താവന എങ്ങനെ ശരിയാകും? ദയവായി ഞങ്ങളെ പ്രകാശിപ്പിക്കേണമേ. അങ്ങയുടെ ദിവ്യ താമര പാദങ്ങളിൽ, ഭാനു സാമ്യക്യ]

സ്വാമി മറുപടി പറഞ്ഞു:- കഴിഞ്ഞ ഇരുപത്തിയൊന്ന് തലമുറകൾ ഒരു പ്രത്യേക ഭക്തന്റെ ഉത്തമമായ ഭക്തിയാൽ മുക്തി പ്രാപിക്കുമെന്ന് ദൈവം പറയുമ്പോൾ, ദൈവം എന്തെങ്കിലും സമയപരിധിയെക്കുറിച്ച് പറഞ്ഞോ?, അവരുടെ പരിശ്രമമില്ലാതെ മോക്ഷം നേടുമെന്ന് ദൈവം പറഞ്ഞിട്ടുണ്ടോ? ദൈവം സർവ്വജ്ഞനാണ്, വളരെ ശ്രദ്ധയോടെ സംസാരിക്കുന്നു. ദൈവത്തിന്റെ ബുദ്ധിയുടെ (സർവജ്ഞ, Sarvajña)  അനന്തമായ മഹാസമുദ്രത്തിന് മുമ്പുള്ള നമ്മുടെ ബുദ്ധി(അൽപജ്ഞ, alpajña)  ഒരു ചെറിയ തുള്ളി മാത്രമാണ്. നിങ്ങൾ ഒട്ടും വിഷമിക്കേണ്ടതില്ലാത്ത ദൈവത്തിന്റെ ഭരണത്തെക്കുറിച്ച് നിങ്ങൾ എന്തിനാണ് വിഷമിക്കുന്നത്? ഇത്തരം ചോദ്യങ്ങളിൽ സമയവും മാനസിക ഊർജവും പാഴാക്കാതെ അവന്റെ/അവളുടെ ഭാവി ആത്മീയ ലൈനിനെക്കുറിച്ച് മാത്രം എപ്പോഴും വിഷമിക്കണം.