ഈ ശിവരാത്രി ഉത്സവത്തിൽ ഉപവാസവും ജാഗരണവും എന്താണ് അർത്ഥമാക്കുന്നത്?

[Translated by devotees of Swami]

[8 മാർച്ച് 2024-ന് ഹൈദരാബാദിൽ നടന്ന  മഹാ ശിവ രാത്രി സത്സംഗം]

[മിസ്സ്. ത്രൈലോക്യ ചോദിച്ചു:- ഈ ശിവരാത്രി ഉത്സവത്തിൽ ഉപവാസവും  ജാഗരണവും (രാത്രിയിൽ ഉണർന്നിരിക്കുന്നത്) എന്താണ് അർത്ഥമാക്കുന്നത്?

സ്വാമി മറുപടി പറഞ്ഞു:- ഉപവാസം എന്നാൽ ദൈവത്തോട് ചേർന്ന് നിൽക്കുക എന്നതാണ് അല്ലാതെ ഭക്ഷണം കഴിക്കാതെ ഉപവസിക്കുക എന്നതല്ല. മാത്രമല്ല, ശിവൻ്റെയും പാർവതിയുടെയും വിവാഹദിനമാണ് ശിവരാത്രി ഉത്സവം. ആരെങ്കിലും ഒരു വിവാഹ ചടങ്ങിന് പോയിട്ട് ഒന്നും കഴിക്കാതിരുന്നാൽ, അയാൾ വിവാഹ ചടങ്ങിനെ തന്നെ എതിർക്കുന്നു എന്നാണ് കാണിക്കുന്നത്. ഇവിടെ അയാൾ  ശിവനെയും പാർവതി ദേവിയെയും എതിർക്കുന്നു. ഇന്ന്, നിങ്ങൾ പ്രത്യേക ഭക്ഷണ പദാർത്ഥങ്ങളും കഴിക്കണം. മാത്രമല്ല, നിങ്ങൾ ഉപവസിച്ചാൽ ദൈവത്തെ ആരാധിക്കാൻ നിങ്ങൾക്ക് ശക്തി ലഭിക്കില്ല. വാസ്തവത്തിൽ, ആരെങ്കിലും ഉപവസിക്കുമ്പോൾ, ദഹനവ്യവസ്ഥയുടെ (ഡൈജസ്റ്റീവ് സിസ്റ്റം) അവസാനഭാഗമായ മലാശയം എന്നറിയപ്പെടുന്ന ഭാഗത്ത് ഉള്ള വിസർജ്ജ്യ പദാർത്ഥങ്ങൾ അവൻ സ്വയം ഭക്ഷിക്കുന്നുവെന്ന് പറയപ്പെടുന്നു!. ഉറക്കത്തിൽ നിന്ന് എഴുന്നേൽക്കുമ്പോൾ, കനത്ത പ്രഭാതഭക്ഷണം, മിതമായ ഉച്ചഭക്ഷണം, കനത്ത അത്താഴം എന്നിവ കഴിക്കാൻ ഡോക്ടർമാർ നിങ്ങളെ ഉപദേശിക്കുന്നു. കനത്ത പ്രഭാതഭക്ഷണത്തിന് ശേഷമുള്ള കനത്ത അത്താഴം ഡൈജസ്റ്റീവ് സിസ്റ്റത്തിൽ നിന്ന് എല്ലാ വിസർജ്ജ്യ വസ്തുക്കളെയും നീക്കം ചെയ്യുന്ന സ്വതന്ത്ര ചലനത്തിലേക്ക് നയിക്കുന്നു. നിങ്ങൾ ഉപവസിക്കുകയാണെങ്കിൽ, അടിയന്തിര ആവശ്യത്തിനായി മലാശയത്തിൽ വിസർജ്ജനത്തിൻ്റെ അവശിഷ്ടങ്ങൾ അവശേഷിക്കുന്നു. ഉപവാസ ദിവസം, ഡൈജസ്റ്റീവ് സിസ്റ്റം ഈ വിസർജ്ജ്യ പദാർത്ഥത്തെ ദഹിപ്പിക്കുന്നു. അതുകൊണ്ട് തന്നെ ഉപവസിക്കുന്ന ആൾ വ്രതാനുഷ്ഠാനത്തിൽ സ്വന്തം വിസർജ്യവസ്തുക്കൾ കഴിക്കുന്നതായി പറയപ്പെടുന്നു. ശിവൻ്റെയും പാർവതിയുടെയും വിവാഹത്തിൽ എതിർക്കുന്ന ഒരാൾ ഈ ശിക്ഷ അർഹിക്കുന്നു!

ജാഗരണം എന്നാൽ രാത്രിയിൽ ഉണർന്നിരിക്കുക എന്നാണ് അർത്ഥം. ഇതും അക്ഷരാർത്ഥത്തിൽ എടുക്കേണ്ടതില്ല. രാത്രി ഉറങ്ങിയില്ലെങ്കിൽ പിറ്റേന്ന് ബ്രെയിൻ പ്രേതമായി മാറും. ഇതിൻ്റെ ആന്തരിക അർത്ഥം അർത്ഥമാക്കുന്നത് രാത്രി അല്ലെങ്കിൽ ഇരുട്ട് ആത്മീയ ജ്ഞാനത്തിന്റെ അജ്ഞതയെ പ്രതിനിധീകരിക്കുന്നു, അതിൽ നിങ്ങൾ ശങ്കരനായി ഭഗവാൻ ശിവൻ സൃഷ്ടിച്ച മിഥ്യാധാരണയിൽ കുടുങ്ങിയിരിക്കുന്നു എന്നാണ്. ഓരോ സാധാരണ ആത്മാവും ദൈവമാണെന്ന് ശങ്കരൻ പറഞ്ഞു. പ്രയത്നത്തിൻ്റെ ഒരു തുമ്പും കൂടാതെ ദൈവമാകാനുള്ള ഒരു സാധാരണ ആത്മാവിൻ്റെ അഭിലാഷത്തെ പരീക്ഷിക്കാനാണിത്. നിരവധി മനുഷ്യർ ഈ മിഥ്യാധാരണയിൽ കുടുങ്ങി സ്വയം ദൈവമായി കരുതുന്നു. അത്തരം അജ്ഞത രാത്രിയാണ്, നിങ്ങൾ ഉറങ്ങരുത് എന്നതിനർത്ഥം നിങ്ങൾ സ്വയം ദൈവമല്ലെന്ന് നിങ്ങൾ സ്വയം ബോധവാനായിരിക്കണം എന്നാണ്. ഈയം ഉരുക്കിയ ശേഷം ശങ്കരൻ തൻ്റെ എല്ലാ ശിഷ്യന്മാരോടും വ്യക്തമായി പറഞ്ഞു, താൻ മാത്രമാണ് ഭഗവാൻ ശിവൻ (ശിവ കേവലോ'ഹം) എന്ന്. ഈശ്വരഭക്തി മൂലം ഭക്തൻ സ്വയമേവ ഭക്ഷണം മറന്നുപോവുകയാണെങ്കിൽ, അത്തരം ഭക്ഷണം കഴിക്കാതിരിക്കുന്നതാണ് യഥാർത്ഥ ഉപവാസം, കാരണം ഭക്തൻ ദൈവത്തോട് വളരെ അടുത്തു. അതുപോലെ, അത്തരം ക്ലൈമാക്സ് ഭക്തി കാരണം, ഭക്തൻ രാത്രിയിൽ ഉറങ്ങുന്നില്ലെങ്കിൽ, അത്തരം ഉണർവിനെ യഥാർത്ഥ ജാഗരണം എന്ന് വിളിക്കുന്നു. ഈ ശിവരാത്രി ഉത്സവത്തിൽ നാം ഇതെല്ലാം ഓർക്കുകയും പ്രാർത്ഥനകളിലൂടെയും ആരാധനകളിലൂടെയും ദൈവത്തോട് അടുക്കുകയും വേണം. നിങ്ങൾ ദൈവമല്ല, ഒരു സാധാരണ ആത്മാവാണ് എന്ന ഉറച്ച തീരുമാനവും നിങ്ങൾ വളർത്തിയെടുക്കണം. ഇവ രണ്ടും ചെയ്താൽ ഈ ഉത്സവത്തിൽ ഭഗവാൻ ശിവൻ നിങ്ങളെ അനുഗ്രഹിക്കും.

അതുകൊണ്ട് ഈ ശിവരാത്രി ദിനത്തിൽ ഭക്ഷണം കഴിക്കാതെ ഉപവസിക്കരുത്, രാത്രിയിൽ ഉണർന്നിരിക്കരുത്. ഗീത പറയുന്നത് നിങ്ങൾ ഏത് പാരമ്പര്യവും വിശകലനം ചെയ്തതിനു ശേഷം മാത്രം അത് പരിശീലിക്കണം എന്നാണ് (ജ്ഞാനത്വ കുർവീത കർമ്മണി...). തൻ്റെ പൂർവ്വികർ അങ്ങനെ ചെയ്തു എന്ന് പറയുന്ന ഒരു ആചാരവും അനുഷ്ഠിക്കരുത്. പൂർവ്വികരുടെ അത്തരം ആവർത്തനങ്ങളെ ‘അഭ്യാസം’ എന്ന് വിളിക്കുന്നു, ഏത് പ്രവർത്തനത്തെയും കുറിച്ചുള്ള വിശകലന (അനലിറ്റിക്കൽ) ജ്ഞാനം പാരമ്പര്യത്തിൻ്റെ അന്ധമായ പ്രയോഗത്തേക്കാൾ വളരെ മികച്ചതാണെന്ന് ഗീത പറയുന്നു. താൻ പറയുന്നതെന്തും അർജുനൻ വിശകലനം ചെയ്യണമെന്നും അതിനു ശേഷം മാത്രം അത് പരിശീലിക്കണമെന്നും ഗീതയുടെ അവസാനത്തിൽ ഭഗവാൻ കൃഷ്ണൻ പോലും പറഞ്ഞു. സ്വന്തം പ്രസംഗങ്ങളെക്കുറിച്ച് ദൈവം തന്നെ ഇക്കാര്യം പറഞ്ഞപ്പോൾ, നമ്മുടെ പൂർവ്വികർ പിന്തുടരുന്ന പാരമ്പര്യങ്ങൾ ഗീതയേക്കാൾ വലുതാണെന്നും വിശകലനം ചെയ്യേണ്ടതില്ലെന്നും നിങ്ങൾ കരുതുന്നുണ്ടോ?