ദൈവവുമായുള്ള വ്യത്യസ്ത തരത്തിലുള്ള ബന്ധനങ്ങൾ സ്പഷ്ടമാക്കുന്നു

[Translated by devotees of Swami]

[ശ്രീമതി. ഛന്ദ ചന്ദ്ര ചോദിച്ചു:- സ്വാമി, ഗുരുപൂർണിമ ദിനത്തിൽ ഞാൻ ഒരു ചോദ്യം ചോദിച്ചു, ഒരുതരം ബന്ധനം (bond) മറ്റൊരു തരത്തിലുള്ള ബന്ധനവുമായി മാറ്റുന്നതിനെക്കുറിച്ച്. അങ്ങ് നന്നായി ഉത്തരം പറഞ്ഞു. പക്ഷേ, എന്റെ ആശയക്കുഴപ്പം പൂർണ്ണമായും നീക്കാൻ ആ വിഷയത്തിൽ കൂടുതൽ വ്യക്തത വേണം.]

സ്വാമി മറുപടി പറഞ്ഞു:- രണ്ട് തരത്തിലുള്ള ബന്ധനങ്ങളുണ്ട്:- i) പ്രണയേതര ബന്ധനങ്ങൾ. ഉദാ: അച്ഛൻ, മകൻ, സഹോദരൻ, പ്രബോധകൻ, യജമാനൻ മുതലായവ. ii) പ്രണയബന്ധനങ്ങൾ. ഉദാ: ഭർത്താവ്, പ്രിയൻ, മുതലായവ. ഒരു തരത്തിലുള്ള ബോണ്ടുകൾക്കുള്ളിൽ (ബന്ധനം), മാറ്റം സാധ്യമാണ്. ഭക്തൻ ഒരു തരത്തിലുള്ള ബോണ്ടിനെ മറ്റൊരു തരത്തിലുള്ള ബോണ്ടാക്കി മാറ്റരുത്. ഇത് നീതിക്ക് എതിരാണ്, ദൈവം നീതിയുടെ സംരക്ഷകനാണ്, അത്തരമൊരു മാറ്റത്തിൽ സന്തോഷിക്കില്ല.

കൃഷ്ണനോട് പ്രാർത്ഥിക്കുമ്പോൾ ഗോപികമാർ പറഞ്ഞു, "അങ്ങ് ഞങ്ങളുടെ പിതാവും, അമ്മയും, സഹോദരനും, പ്രബോധകനും, ഗുരുവും, ഭർത്താവും, പ്രിയപ്പെട്ടവനും, പരമപുരുഷനുമാണ് (Ultimate)". ഇവിടെ, ഇത് മുകളിൽ പറഞ്ഞ ആശയത്തിന് വിരുദ്ധമായി കാണപ്പെടാം. പക്ഷേ, നിങ്ങൾ ആഴത്തിൽ വിശകലനം ചെയ്താൽ, ഒരു ബന്ധനം മറ്റൊരു ബന്ധനത്തിലേക്ക് മാറ്റാൻ സാധ്യതയില്ല, കാരണം കൃഷ്ണനാണ് എല്ലാ ബന്ധനങ്ങളും. ഇതിനർത്ഥം എല്ലാ ലോകബന്ധനങ്ങളും നശിച്ചു, കൃഷ്ണൻ മാത്രമാണ് ഏക ബന്ധനം. വിവിധ ലൗകിക ബന്ധനങ്ങളിൽ വിതരണം ചെയ്യപ്പെട്ട എല്ലാ സ്നേഹവും പിൻവലിക്കുകയും സ്നേഹത്തിന്റെ ഒരൊറ്റ പിണ്ഡമാക്കുകയും (single lump of love) ചെയ്യുന്നു. 

കൃഷ്ണനുമായുള്ള ഒരേയൊരു ബന്ധനത്തിലാണ് ഇപ്പോൾ ആ സ്നേഹത്തിന്റെ ആകെത്തുക (പിണ്‌ഡം, lump) നിലനിൽക്കുന്നത്. അതിനാൽ, ഒരു ബന്ധനത്തിൽ നിന്ന് മറ്റൊരു ബന്ധനത്തിലേക്ക് മാറാനുള്ള സാധ്യതയില്ല, കാരണം എല്ലാ ലൗകിക ബന്ധനങ്ങളും സ്നേഹത്തിന്റെ ഒരു ലാഞ്ചനയും ഇല്ലാതെ വരണ്ടതാണ്. ഒരു ബന്ധനത്തിൽ നിന്ന് മറ്റൊരു ബന്ധനത്തിലേക്ക് മാറുന്നതിന് രണ്ട് ബന്ധനങ്ങളിലും കുറച്ച് സ്നേഹം ആവശ്യമാണ്. രണ്ടാമത്തെ ബന്ധനത്തിലെ പ്രണയം (സ്നേഹം) ആദ്യ ബന്ധനത്തിലെ പ്രണയത്തേക്കാൾ വലുതാകുമ്പോൾ, ആദ്യ ബന്ധനത്തിൽ നിന്ന് രണ്ടാമത്തെ ബന്ധനത്തിലേക്കുള്ള ഒരു മാറ്റം നിർദ്ദേശിക്കപ്പെടുന്നു.

ഇവിടെ, ക്ലൈമാക്സ് ഭക്തരായ ഗോപികമാരുടെ കാര്യത്തിൽ, കൃഷ്ണനുമായി ഒരേയൊരു ബന്ധനം (ദൈവം-ഭക്തൻ, God-Devotee) മാത്രമേ നിലനിൽക്കുന്നുള്ളൂ, മറ്റെല്ലാ ബന്ധനങ്ങളും ഒന്നുകിൽ പൂർണ്ണമായി നശിപ്പിക്കപ്പെടുകയോ ഏതെങ്കിലും ലൗകിക ബന്ധനത്തിലും നാമമാത്രമായി സ്നേഹത്തിന്റെ ഒരു അണുവും ഇല്ലാതെ നിലനിൽക്കുകയോ ചെയ്യുന്നു.    

ഭക്തർ ഗോപികമാരെപ്പോലെ ക്ലൈമാക്‌സ് ലെവൽ ഭക്തരല്ലാത്തപ്പോൾ, ഈ ഭക്തരുടെ എല്ലാ ലൗകിക ബന്ധനങ്ങളും ജീവനോടെ ഉള്ളപ്പോൾ അവർ സാധാരണ മനുഷ്യരായിരിക്കുമ്പോൾ, ഈ ബന്ധനങ്ങളിൽ ഒന്നായി ദൈവവുമായുള്ള ബന്ധനം നിലനിൽക്കുമ്പോൾ, എന്റെ ആദ്യത്തെ വ്യക്തത (വിശിദീകരണം) പ്രസക്തമാകും. അത്തരമൊരു സാഹചര്യത്തിൽ, മുകളിൽ പറഞ്ഞ രണ്ട് തരത്തിലുള്ള ബന്ധനങ്ങൾ നിലവിലുണ്ട്, ഭക്തൻ ദൈവവുമായുള്ള അവളുടെ ബന്ധനം ഒരു തരത്തിൽ നിന്ന് മറ്റൊരു തരത്തിലേക്ക് മാറ്റരുത്. ഞാൻ ആത്മാക്കളായ ഭക്തരെ സ്ത്രീകളായി കണക്കാക്കുന്നത് വേദം പറഞ്ഞതു കൊണ്ടാണ് (സ്ത്രിയഃ സതീപുഷ്പഃ, Striyaḥ satīḥ puṃsaḥ).

എല്ലാ ആത്മാക്കളും സ്ത്രീകളും ദൈവത്തിന്റെ ഭാര്യമാരുമാണെന്ന് പറയുമെങ്കിലും, ഇവിടെ നാം ഭാര്യയുടെ അർത്ഥം ‘ദൈവത്താൽ പരിപാലിക്കപ്പെടുന്ന ആത്മാവാണെന്നും’, ദൈവത്തെ ‘പരിപാലിക്കുന്നവൻ’ എന്ന അർത്ഥത്തിൽ ഭർത്താവ് എന്നും പറയുന്നു. അതിനാൽ, ഇവിടെ പറഞ്ഞിരിക്കുന്ന 'ഭാര്യ', 'ഭർത്താവ്' എന്നീ വാക്കുകൾക്കിടയിൽ പ്രണയത്തിന്റെ പോയിന്റ് എടുക്കരുത്, കാരണം ഭാര്യ എന്നാൽ പരിപാലിക്കുന്നയാളാൽ പരിപാലിക്കപ്പെടുന്നു (maintained by the maintainer) (ഭൃയതേ ഇതി ഭാര്യ, Bhriyate iti bhāryā) എന്നാണ്. അതുപോലെ, ഇവിടെ ഭർത്താവ് എന്ന വാക്കിന്റെ അർത്ഥം പരിപാലിക്കപ്പെടുന്നവനെ പരിപാലിക്കുന്നവൻ (maintainer of the maintained) എന്നാണ്, അല്ലാതെ ഒരു റൊമാന്റിക് അർത്ഥത്തിലല്ല (ബിഭാരതി ഇതി ഭാരത, Bibharti iti bhartā).

ഗോപികമാരുടെ കാര്യത്തിൽ, ഒരുതരം ബന്ധനത്തെ മറ്റൊരു തരത്തിലുള്ള ബന്ധനത്തിലേക്ക് മാറ്റാൻ സാധ്യതയില്ലെന്ന് നിങ്ങൾ ശ്രദ്ധിക്കണം, കാരണം എല്ലാ ലൗകിക ബന്ധനങ്ങളും നശിച്ചു, കൃഷ്ണനുമായി ഒരേയൊരു ബന്ധനം മാത്രമേ നിലനിൽക്കുന്നുള്ളൂ, ദൈവവുമായുള്ള ആ ബന്ധനത്തിന് നിങ്ങൾക്ക് എന്ത് പേരു വേണമെങ്കിലും നൽകാം അല്ലങ്കിൽ  ഒരു പേരും നൽകണ്ട. ദൈവവുമായുള്ള ഒരു പ്രത്യേക തരം ബന്ധനം തിരഞ്ഞെടുക്കുന്നത് പൂർണ്ണമായും ഭക്തനിൽ നിക്ഷിപ്തമാണ്, ദൈവത്തിലല്ല. 

ഏത് തരത്തിലുള്ള ബന്ധനവും ദൈവത്തിന് ഒന്നാണ്. ഒരു തരത്തിലുള്ള ബന്ധനത്തിനും ദൈവത്തിന് പ്രത്യേക മുൻഗണനയില്ല. ഏത് തരത്തിലുള്ള ബന്ധനത്തിലും ഉള്ള യഥാർത്ഥ സ്നേഹത്തിന്റെ ഭാരം ദൈവം പരിഗണിക്കുന്നു. സാധാരണയായി, മധുരപലഹാരക്കടകളിൽ പലതരം മധുരപലഹാരങ്ങൾ വിൽക്കുന്നു. ഒരു മധുരപലഹാരം ഹംസത്തിന്റെ രൂപത്തിലും മറ്റൊരു തരം മധുരപലഹാരം കഴുതയുടെ രൂപത്തിലും ആയിരിക്കാം. ഹംസത്തേക്കാൾ കുറഞ്ഞ നിരക്കിൽ മധുരപലഹാരങ്ങൾ കഴുതയുടെ രൂപത്തിൽ നൽകാൻ വിൽപനക്കാരനോട് ആവശ്യപ്പെട്ടാൽ, പഞ്ചസാരയുടെ തൂക്കമാണ് നിരക്ക് നിശ്ചയിക്കുന്നതെന്ന് പറഞ്ഞ് വിൽപ്പനക്കാരൻ നിരസിക്കും.

ഏത് രൂപത്തിലുള്ള പലഹാരങ്ങളും കിലോയ്ക്ക് 100 രൂപ നിരക്കിലാണ് വിൽക്കുന്നതെന്ന് അദ്ദേഹം പറയും. മധുരത്തിന്റെ മൂല്യം പഞ്ചസാരയുടെ ഭാരത്തെ ആശ്രയിച്ചിരിക്കുന്നു, പക്ഷേ മധുരത്തിന്റെ രൂപത്തിൽ അല്ല. അതുപോലെ, ബോണ്ടിന്റെ മൂല്യം സേവനവും ത്യാഗവും ഉൾപ്പെടുന്ന പ്രായോഗിക യഥാർത്ഥ സ്നേഹത്തിന്റെ (practical true love involving service and sacrifice) ഭാരത്തെ ആശ്രയിച്ചിരിക്കുന്നു, എന്നാൽ ബോണ്ടിന്റെ രൂപത്തിലല്ല. കൃഷ്ണന്റെ സഹോദരിയെന്ന നിലയിൽ ദ്രൗപതി, കൃഷ്ണദേവന്റെ കാര്യത്തിൽ ഭാര്യമാരുടെയും ഗോപികമാരുടെയും എല്ലാ പ്രണയബന്ധനങ്ങളെയും ഉപരി കൃഷ്ണനോടുള്ള തന്റെ ബന്ധനം മികവുറ്റതാക്കി.

ഭഗവാൻ കൃഷ്ണന്റെ വിരൽ മുറിഞ്ഞപ്പോൾ, കൃഷ്ണന്റെ മുറിവേറ്റ ആ വിരലിന് ബാൻഡേജായി ഉപയോഗിക്കാനുള്ള തുണിക്കഷണം തേടി എല്ലാ ഭാര്യമാരും ഗോപികമാരും എല്ലാ ദിശകളിലേക്കും ഓടി. ദ്രൗപദി തന്റെ സാരി വലിച്ചുകീറി, വിരൽ ഉടനടി ബന്ധിച്ചു, യഥാർത്ഥ സ്നേഹത്തിൽ കൃഷ്ണന്റെ എല്ലാ ഭാര്യമാരെയും ഗോപികമാരെയും ദ്രൗപദി മറികടന്നു. ഒരു ദൈവം മാത്രമുള്ളപ്പോൾ, രണ്ടാമത്തെ ദൈവം ഇല്ലാത്തതിനാൽ, നിങ്ങൾക്ക് ദൈവത്തെ ഏത് പേരിലും അല്ലെങ്കിൽ എല്ലാ പേരുകളിലും വിളിക്കാം. അതുപോലെ, ദൈവവുമായി ഒരേയൊരു ബന്ധനമുണ്ടെങ്കിൽ, അത്തരം ബന്ധനത്തെ ഏത് പേരിലും അല്ലെങ്കിൽ എല്ലാ പേരുകളിലും വിളിക്കാം.