ദൈവം എഴുതിയ ഭരണഘടനയുടെ കൽപ്പനകൾ എന്തൊക്കെയാണ്? അങ്ങ് ദൈവത്തിന്റെ അവതാരമാണെന്ന് ഞാൻ എങ്ങനെ വിശ്വസിക്കും?

[Translated by devotees of Swami]

[റേയ് ലൈറ്റ് ചോദിച്ചു: പ്രിയ സ്വാമി ജി, അങ്ങേയ്ക്കു ദൈവത്തിന്റെ സമാധാനവും അനുഗ്രഹവും ഉണ്ടാകട്ടെ. അങ്ങയുടെ മറുപടിക്ക് ഞാൻ അങ്ങയെ വളരെയധികം അഭിനന്ദിക്കുന്നു. അങ്ങയുടെ മറുപടി വായിച്ചപ്പോൾ, അങ്ങ് പരാമർശിച്ച ദൈവം എഴുതിയ ഭരണഘടനയുടെ കൽപ്പനകൾ എന്താണെന്ന് ഞാൻ ചിന്തിക്കുകയായിരുന്നു. എന്റെ അടുത്ത ചോദ്യം, അങ്ങ് ദൈവത്തിന്റെ അവതാരമാണെന്നോ ദൈവം അയച്ച ആളാണെന്നോ ഞാൻ എങ്ങനെ വിശ്വസിക്കും?] 

സ്വാമി മറുപടി പറഞ്ഞു: ദൈവത്തിന്റെ ഭരണഘടന കടയിൽ കിട്ടാനുള്ള പുസ്തകമായി അച്ചടിച്ചതല്ല. ഋഷിമാർ എഴുതിയ എല്ലാ ധാർമ്മിക ഗ്രന്ഥങ്ങളും ദൈവത്തിന്റെ ഭരണഘടനയായി കണക്കാക്കപ്പെടുന്നു, കാരണം അവ അവരുടെ ബോധത്തിൽ (കോണ്ഷ്യസ്നസ്സ്) ദൈവം കൽപ്പിച്ചപ്പോൾ അവർ എഴുതിയതാണ്. ദൈവം പ്രത്യക്ഷപ്പെട്ട് അവരോട് വാമൊഴിയായി കൽപ്പിച്ചത് തന്റെ കൈകൊണ്ട് എഴുതുന്നതിന്റെ സമ്മർദ്ദം ഒഴിവാക്കാൻ ദൈവം ആഗ്രഹിച്ചതുകൊണ്ടാണെന്ന് നിങ്ങൾ കരുതരുത്! ദൈവം അവർക്ക് പ്രത്യക്ഷപ്പെട്ട് വാമൊഴിയായി നിർദ്ദേശിച്ചതാണെന്ന് ആരെങ്കിലും പറഞ്ഞാൽ പോലും, അതിന്റെ ഓഡിയോ വീഡിയോ കാസറ്റ് എവിടെ? അതിനാൽ, ഈ പോയിന്റിന്റെ മൂർച്ചയുള്ള യുക്തിസഹമായ വിശകലനം, സങ്കൽപ്പിക്കാൻ കഴിയാത്ത (അൺഇമാജിനബ്ബിൾ) ദൈവം ഋഷിമാരുടെ ബോധത്തിൽ ഭരണഘടനയുടെ ആശയങ്ങൾ വെളിപ്പെടുത്തിയതായി വെളിപ്പെടുത്തുന്നു. ദൈവം ഏതൊരു ആത്മാവിനോടും സംസാരിക്കുന്നത് അതിന്റെ ബോധത്തിലൂടെയാണ്. നീതിക്കും അനീതിക്കും ഇടയിൽ നിങ്ങൾ ഒരു ധർമ്മസങ്കടത്തിലായിരിക്കുമ്പോൾ, നിങ്ങളുടെ ബോധത്തിലൂടെ ദൈവത്തിന്റെ ശബ്ദം നിങ്ങൾ കേൾക്കുന്നു. നിങ്ങൾ ദൈവമല്ലെങ്കിലും, ബോധത്തിന്റെ ഈ നേരിട്ടുള്ള ഫോണിലൂടെ ദൈവം എപ്പോഴും നിങ്ങളുമായി സമ്പർക്കം പുലർത്തുന്നു.

ബോധമാണ് അധികാരമെന്ന് പറയപ്പെടുന്നു (പ്രമാണമന്തഃകരണപ്രവൃത്തിഃ- കാളിദാസൻ, pramāṇamantaḥkaraṇa pravṛttayaḥ- Kālidāsa). പക്ഷേ, രാവണന്റെ ബോധം സീതയെ മോഷ്ടിക്കാൻ പറഞ്ഞുവെന്ന് പറഞ്ഞ് ഒരാൾ ഈ ആശയത്തെ ചൂഷണം ചെയ്യരുത്. സീതയെ മോഷ്ടിക്കരുതെന്ന് ദൈവം അവന്റെ ബോധത്തിൽ പറഞ്ഞു എന്നത് സത്യമാണ്. ബോധം എന്നാൽ ജീവ അല്ലെങ്കിൽ ശുദ്ധാത്മ എന്ന് വിളിക്കപ്പെടുന്ന ശുദ്ധമായ അവബോധം (പ്യുവർ അവയർനസ്സ്) അല്ലെങ്കിൽ വ്യക്തിഗത ആത്മാവ് (ഇൻഡിവിജൗൽ സോൾ) ആണ്. എന്നാൽ, ഓരോ ആത്മാവിന്റെയും ബോധം രജസ്സിന്റെയും തമസ്സിന്റെയും സ്വാധീനത്താൽ സൃഷ്ടിക്കപ്പെടുന്ന അവബോധത്തിന്റെ പല മോശം ചിന്തകളാൽ മലിനമായിരിക്കുന്നു. തീർത്തും തിരക്കും ബഹളവുമുള്ള റെയിൽവേ സ്റ്റേഷനിലെ മൈക്ക് അനൗൺസ്‌മെന്റ് കേൾക്കാൻ കഴിയാത്തതുപോലെ ദൈവത്തിന്റെ ശബ്ദം കേൾക്കാൻ കഴിയാത്തവിധം ഈ മോശം ചിന്തകൾ നിങ്ങളെത്തന്നെ പരമാവധി മലിനമാക്കും. നിങ്ങൾ അത് വളരെ ദുർബലമായ വ്യാപ്തിയിൽ കേട്ടാലും, ഈ പ്രമുഖ മോശം ചിന്തകളുടെ സ്വാധീനം നിങ്ങളുടെ നിഗമനത്തെ വിപരീതമാക്കാൻ നിങ്ങളെ പ്രേരിപ്പിക്കും, അങ്ങനെ നിങ്ങൾ ദൈവത്തിന്റെ ശബ്ദം രജസ്സിന്റെയും തമസ്സിന്റെയും സ്വാധീനമായി കരുതുകയും രജസ്സിന്റെയും തമസ്സിന്റെയും ശബ്ദം ദൈവത്തിന്റെ ശബ്ദമായി നിങ്ങൾ ചിന്തിക്കുകയും ചെയ്യും. പ്രധാന കാര്യത്തിലേക്ക് വരുമ്പോൾ, വളരെ മൂർച്ചയുള്ള യുക്തിസഹമായ വിശകലനത്തെ അടിസ്ഥാനമാക്കി ഋഷിമാരുടെ ബോധത്തിൽ വെളിപ്പെട്ട ധാർമ്മിക ഗ്രന്ഥങ്ങളോ അല്ലെങ്കിൽ വേദങ്ങളോ അവർക്ക് ദൈവം നൽകിയ നിർദ്ദേശങ്ങളാണെന്ന് പറയപ്പെടുന്നു. ദൈവം നേരിട്ടു വേദം പറഞ്ഞുകൊടുത്തു എന്നു നിങ്ങൾ പറഞ്ഞാലും ഞങ്ങൾ ഇതിനെ എതിർക്കില്ല. എന്നാൽ ദൈവത്തിന്റെ ഈ കല്പനകൾ (ഡിക്ടേഷൻ)  വിശകലനത്തിന്റെ അഗ്നിപരീക്ഷണത്തിന് വിധേയമാകേണ്ടതും അത് തീർച്ചയായും നിലനിൽക്കുമെന്നും ഞങ്ങൾ പറയുന്നു, കാരണം ദൈവം തീർച്ചയായും സർവ്വജ്ഞനാണ്, ദൈവത്തിന്റെ കല്പനകളിൽ (ഡിക്ടേഷൻ) ആർക്കും ഒരു തെറ്റും കണ്ടെത്താൻ കഴിയില്ല. നിങ്ങൾ ഒരു പ്രസ്താവന ദൈവത്തിന്റെ നേരിട്ടുള്ള കൽപ്പനയാണെന്നു (വായ്മൊഴി, ഡിക്ടേഷൻ) നിർബന്ധിക്കുകയും അതേ സമയം വിശകലനത്തിനപ്പുറം പ്രസ്താവന ശരിയായിരിക്കണമെന്ന് (correct beyond the analysis) ശുപാർച്ച ചെയ്യുകയും ചെയ്യുന്നുവെങ്കിൽ, അത് തികച്ചും അസംബന്ധമാണ്, ഞങ്ങൾ പ്രസ്താവനയെ ഇരട്ട ശ്രദ്ധയോടെ വിശകലനം ചെയ്യുകയും പ്രസ്താവന വിശകലനത്തിന്റെ പരിശോധന തീയിൽ നിലനിൽക്കുകയാണെങ്കിൽ നിങ്ങളുടെ പ്രസ്താവന അംഗീകരിക്കുകയും ചെയ്യും.

ഈ പശ്ചാത്തലത്തെ അടിസ്ഥാനമാക്കി, എന്റെ ആത്മീയ ജ്ഞാനത്തിലെ എന്റെ പ്രസ്താവന വിശകലനത്തിന്റെ അഗ്നിപരീക്ഷണത്തിൽ  നിലനിൽക്കുകയാണെങ്കിൽ, എന്റെ വായിൽ നിന്നുള്ള അത്തരം പ്രസ്താവന ദൈവത്തിന്റെ വായിൽ നിന്നുള്ളതാണെന്ന് പറയാൻ നിങ്ങൾ നിഷ്പക്ഷരായിരിക്കണം. X=Y ആണെങ്കിൽ Y=X എന്ന് മാത്രമേ ഞാൻ പറയുന്നുള്ളൂ. ഇതിനർത്ഥം, ദൈവത്തിന്റെ പ്രസ്താവന എല്ലായ്പ്പോഴും വളരെ യുക്തിസഹവും സത്യവുമാണെങ്കിൽ (X=Y), സത്യവും യുക്തിസഹവുമായ ഏതൊരു പ്രസ്താവനയും ദൈവം (Y=X) പറഞ്ഞതായി പറയുന്നതിൽ എന്താണ് തെറ്റ്. അതിനാൽ, i) ഒന്നുകിൽ നിങ്ങൾ ദൈവത്തിൽ, X, Y യിൽ വിശ്വസിക്കരുത് അല്ലെങ്കിൽ ii) നിങ്ങൾ ദൈവത്തിൽ, X, Y യിൽ വിശ്വസിക്കുന്നുവെങ്കിൽ, നിങ്ങൾ X=Y എന്ന് നേരത്തെ പറഞ്ഞിട്ടുണ്ടെങ്കിൽ Y=X എന്ന് നിങ്ങൾ വിശ്വസിക്കണം. സർവ്വജ്ഞനായ ദൈവം എപ്പോഴും യുക്തിയുടെ ഏത് അഗ്നിപരീക്ഷണത്തിലും നിൽക്കുന്ന സത്യം പറയുമെന്ന് നിങ്ങൾ പറഞ്ഞാൽ, അതിന്റെ വിപരീതവും ശരിയായിരിക്കണം, അതായത് ഏതൊരു ആത്മാവും പറയുന്ന യുക്തിയുടെ ഏത് അഗ്നിപരീക്ഷണത്തിലും നിലനിൽക്കുന്ന ഏതൊരു യഥാർത്ഥ പ്രസ്താവനയും ദൈവത്തിന്റെ മാത്രം വായിൽ നിന്നുള്ളതായിരിക്കണം. നിങ്ങളുടെ പ്രസ്താവനയുടെ ഓഡിയോ വീഡിയോ കാസറ്റ് നിങ്ങൾ കാണിക്കുന്നില്ല എന്നതിനാൽ, ഞങ്ങളുടെ പ്രസ്താവനയ്ക്കും ഞങ്ങൾ അതേ കാസറ്റ് കാണിക്കേണ്ടതില്ല. നിങ്ങൾ നിങ്ങളുടെ കാസറ്റ് സമർപ്പിക്കുന്ന നിമിഷം, അടുത്ത മിനിറ്റിൽ ഞങ്ങൾ ഞങ്ങളുടെ കാസറ്റ് സമർപ്പിക്കും. നിങ്ങളുടെ കാസറ്റ് സമർപ്പിക്കുകയും നിങ്ങളുടെ കാസറ്റിനെ അടിസ്ഥാനമാക്കി നിങ്ങളുടെ യുക്തിരഹിതമായ പ്രസ്താവന അധികാരമാണെന്ന് പറയുകയാണെങ്കിൽ, ആരുടെയെങ്കിലും യുക്തിരഹിതമായ പ്രസ്താവന അതിന്റെ അനുബന്ധ കാസറ്റ് ഹാജരാക്കിയാൽ അധികാരം ആയിരിക്കുമെന്ന പ്രസ്താവന നിങ്ങൾ അംഗീകരിക്കും. ഇപ്പോൾ ഞാനും നിങ്ങളും തമ്മിൽ ഒരു വഴക്കും ഇല്ല.