മരണത്തിന്റെ അവസാന നിമിഷത്തിലെ ചിന്ത ഭാവി ജന്മത്തെ നിർണ്ണയിക്കുമോ?

[Translated by devotees of Swami]

[ശ്രീ. അഭിരാം കുടല ചോദിച്ചു: പാദനമസ്കാരം സ്വാമി. മരണസമയത്ത് നാം എന്തുതന്നെ ചിന്തിച്ചാലും, അടുത്ത ജന്മം ആ ചിന്തയുമായി ബന്ധപ്പെട്ടതായിരിക്കുമെന്ന് സ്വാമി പറയുന്നു. ഉദാഹരണത്തിന്: മരണസമയത്ത് മാനിനെക്കുറിച്ച് ചിന്തിച്ച മഹാനായ സന്യാസിയായ ജഡ മഹർഷിക്ക് തന്റെ അടുത്ത ജന്മത്തിൽ മാനായി ജനിക്കേണ്ടിവന്നു. ഒരു വ്യക്തി തന്റെ ജീവിതകാലം മുഴുവൻ ദൈവത്തിന്റെ കര്ത്തവ്യത്തില് ചെലവഴിക്കുകയും മായ നിമിത്തം മരണസമയത്ത് അവൻ ചില ഭൗതിക കാര്യങ്ങളെക്കുറിച്ച് ചിന്തിച്ചു എന്ന് കരുതുക. അങ്ങനെയെങ്കിൽ, മരണത്തിന്റെ അവസാനത്തിൽ താൻ ചിന്തിക്കുന്ന കാര്യങ്ങളെ മാത്രം അടിസ്ഥാനമാക്കി അടുത്ത ജന്മത്തിൽ അദ്ദേഹം ജനിക്കുമെന്നാണ് ഇതിനർത്ഥം. ദയവായി ഈ ആശയത്തെക്കുറിച്ച് കൂടുതൽ വിശദീകരിക്കാമോ. അഭിനന്ദനങ്ങൾ, അഭിരാം കുടല]

സ്വാമി മറുപടി പറഞ്ഞു: "നിങ്ങൾ ജീവിതകാലം മുഴുവൻ എന്തു ചിന്തിക്കുന്നുവോ അത് മാത്രമേ ജീവിതത്തിന്റെ അവസാനത്ത് മനസ്സിലേക്ക് വരികയുള്ളൂ, ജീവിതാവസാനം മനസ്സിലേക്ക് വരുന്നതെന്തും അടുത്ത ജന്മത്തിലേക്ക്  നയിക്കുന്നു. ജഡ ഭാരത മഹർഷി ജീവിതകാലം മുഴുവൻ മാനിൽ മാത്രം ശ്രദ്ധ കേന്ദ്രീകരിച്ചിരുന്നു, അതുകൊണ്ട് മാനിനെക്കുറിച്ചുള്ള ചിന്ത ജീവിതത്തിന്റെ അവസാനത്തിൽ വന്നു. നിങ്ങൾ ജീവിതകാലം മുഴുവൻ ദൈവത്തിൽ മുഴുകിയിരിക്കുകയാണെങ്കിൽ, ജീവിതാവസാനം ദൈവത്തെക്കുറിച്ചുള്ള ചിന്ത മാത്രം മനസ്സിലേക്ക് വരുന്നു. അതിനാൽ, ജീവിതകാലം മുഴുവൻ ദൈവത്തിൽ ശ്രദ്ധ കേന്ദ്രീകരിച്ചിരുന്നെങ്കിലും, ജീവിതാവസാനത്തിൽ ഏതെങ്കിലും മായ കാരണം ആത്മാവിന് എന്തെങ്കിലും ഭൗതികമായ ആശയം ലഭിക്കുമെന്ന നിങ്ങളുടെ ചിന്താരീതി സാധ്യമല്ല. ഉപ്പും മുളകുപൊടിയുമായി നിരന്തരം സമ്പർക്കത്തിൽ ഇരിക്കുന്ന അച്ചാർ പാത്രത്തിലെ മുങ്ങിയ മാങ്ങാ കഷണം രസഗുള പോലെ മധുരിക്കുമോ? ജീവിതത്തിലുട നീളം മനസ്സ് ഈശ്വരസേവനത്തിലും ഭക്തിയിലും മുഴുകിയാൽ, നിങ്ങൾ ഉയർത്തുന്ന അത്തരം സാധ്യതകൾ യാഥാർത്ഥ്യമാകില്ല, കാരണം ദൈവം ആത്മാവിന്റെ മുന്നിൽ പ്രത്യക്ഷപ്പെടുകയും ആത്മാവിനെ തന്റെ വാസസ്ഥലത്തേക്ക് കൊണ്ടുപോകുകയും ചെയ്യും. അമാനുഷികനായ ദൈവത്തിന്റെ അമാനുഷിക ശക്തിയാണ് മായ. മായയ്ക്ക് ദൈവത്തെ എതിർക്കാൻ കഴിയുമോ?