భూలోకం బిత్తరోడా

Bhulokam Bittaroda

(శ్రీశ్రీశ్రీ దత్తస్వామివారు రచించిన తెలుగు జానపద గీతం. The English translation of this song is done by Shri Prakki Surya, who is a scientist at BARC in Mumbai.)

(Sung by Ms. Laxmi Thrylokya)

చుట్టుముట్టి సూర్య లోకం,
నట్టనడుమ నరక లోకం.
Surrounded by the world of the sun,
In the middle lies the world of hell.

నువ్వుండేది మర్త్య లోకం,
దాని పక్కన ప్రేత లోకం.
The world you stay is the world of mortals,
Adjacent to it is the world of dead.

ప్రేత లోకం దాటగానే,
ప్రేత లోకం దాటగానే.
After crossing the world of dead,
After crossing the world of dead.

నీ తోలు తీస్తం కొడకో,
భూలోకం బిత్తరోడా.
O bastard son! Your skin will be peeled off,
O cheating sinner of the Earth!

శ్రీ దత్తస్వామివారు రచించిన ఈ పాట తెలంగాణా జానపద గీతం 'నైజాము సర్కరోడా' యొక్క రాగంలో పాడబడినది. దత్త దేవుని సంకల్పంతో ఆశువుగా స్వామివారు ఈ పాటను పాడినారు. భూలోకంలో ఉన్న పాపులను చూస్తూ ఈ పాటను యమభటులు పాడతారు అని హాస్యాస్పదంగా అన్నారు. స్వామివారి హాస్యంలో కూడా బ్రహ్మజ్ఞానమే ఉంటుందని భక్తులందరికీ తెలుసు. ఇక్కడ 'బిత్తరోడా' అంటే 'మోసగాడా' అని అర్థం. ఎవరైతే ఇతరులను మోసం చేస్తూ బ్రతుకుతారో, వారు మరణం తరువాత నరక లోకంలో తీవ్రమైన శిక్షలు అనుభవిస్తారు. మరణానంతరం జీవుడు ప్రేతలోకానికి చేరుకుంటాడు. పది రోజుల పాటు భగవంతుడు ఆ జీవుని కర్మలను విచారించి నరకానికి లేదా స్వర్గానికి లేదా పితృలోకానికి పంపిస్తారు. భక్త జీవులకు మాత్రం ప్రేతలోకంలో విచారణ ఉండదు. వారు మరణానంతరం నేరుగా దైవ సన్నిధికే చేరుకుంటారు. మానవ శరీరంలో ఉన్న జీవుడు కఠిన శిక్షలు అనుభవవించలేడు. ఎందుకనగా మానవ శరీరం అధిక బాధను తట్టుకోలేదు. కానీ నరక లోకంలో జీవునికి 'యాతనా శరీరం' ఇవ్వబడుతుంది కనుక ఎన్ని కఠిన శిక్షలు వేసినా ప్రాణం పోదు. భూలోకం నాలుగు ఉప లోకాలు కలిగి ఉంటుంది. పైకి వెళ్లిన కొలది ఈ ఉపలోకాలు వరుసగా ఉంటాయి. మర్త్య లోకం (మనుష్యులు ఉండే లోకం), ప్రేత లోకం (చనిపోయిన జీవులు చేరే లోకం), నరక లోకం (చేసిన పాపాలు అనుభవించే లోకం) మరియు పితృ లోకం (అధమ స్వర్గం) ఒకటి తరువాత ఇంకొకటి ఉంటాయి. భూలోకానికి సువర్ లేదా స్వర్గ లోకానికి మధ్యలో నక్షత్ర లోకం ఉంటుంది. ఈ నక్షత్ర లోకాన్నే భువర్ లోకం లేదా ద్యు లోకం అని కూడా అంటారు. భూలోకానికి చుట్టూ ఉన్న సూర్య లోకం నుండి ధ్రువ లోకం దాకా స్వర్గ లోకం విస్తరించబడి ఉంటుంది. ఈ పాట ద్వారా స్వామివారు మనకు పాపం చేయవద్దు అనే సందేశాన్ని ఇస్తున్నారు. భగవంతుని సృష్టిలో అధర్మానికి చోటులేదు గనుక మనం చేసిన ప్రతి కర్మకు ప్రతిఫలం అనుభవించక తప్పదు. శ్రీ దత్తస్వామి వారి కృపతో పాప రహితమైన మానవ జీవితాన్ని గడుపుదాం. జై శ్రీ దత్తస్వామి!