Posted on: 18 Jun 2023
[Translated by devotees of Swami]
[മിസ്സ്‌. ത്രൈലോക്യ ചോദിച്ചു:- ഒരു ഭക്തൻ അനീതിയോട് പോരാടുകയും അദൃശ്യനായ ദൈവത്തിന്റെ സഹായത്താൽ വിജയം നേടുകയും ചെയ്യാം. അപ്പോൾ, ഭക്തന് അഹംഭാവം ഉണ്ടായേക്കാം. അങ്ങനെയുള്ള ഒരു ഭക്തനെ ദൈവം എങ്ങനെ സംരക്ഷിക്കും?]
സ്വാമി മറുപടി പറഞ്ഞു:- ഭക്തന് അഹംബോധമുണ്ടോ ഇല്ലയോ എന്ന് പരിശോധിക്കാൻ ഭഗവാൻ ഭക്തനെ പരീക്ഷിക്കണമെങ്കിൽ, നിങ്ങൾ പറയുന്നതുപോലെയുള്ള സാഹചര്യം സംഭവിക്കും. ഭക്തന് അഹംഭാവം ഉണ്ടായാൽ, അത്തരമൊരു ഭക്തൻ ദൈവത്തിന്റെ പരീക്ഷയിൽ പരാജയപ്പെട്ടു. ഭക്തന് അഹംഭാവം ഇല്ലെങ്കിൽ, ഭക്തൻ ദൈവത്തിന്റെ പരീക്ഷണത്തിൽ വിജയിച്ചു. പക്ഷേ, ഭക്തൻ പരീക്ഷയിൽ പരാജയപ്പെടരുതെന്ന് ദൈവം ആഗ്രഹിക്കുന്നുവെങ്കിൽ, താൻ ഭക്തനെ സഹായിച്ചതായി കാണിക്കുന്ന ദർശനം അവിടുന്ന് നൽകും. അത്തരമൊരു ദർശനം ഭക്തന് ലഭിക്കുമ്പോൾ, ഭക്തന് അഹംഭാവം ഉണ്ടാകില്ല, പരീക്ഷയിൽ വിജയിക്കും. ദൈവത്തിൽ നിന്നുള്ള അത്തരം സഹായത്തിന്, ഭക്തന് ദൈവത്തോടുള്ള ഭക്തിയിൽ ശക്തമായ പശ്ചാത്തലം ഉണ്ടായിരിക്കണം. അന്തിമയുദ്ധത്തിൽ അർജ്ജുനൻ തന്റെ ശത്രുക്കളോട് യുദ്ധം ചെയ്യുമ്പോൾ, അർജ്ജുനന്റെ എല്ലാ ശത്രുക്കളെയും കൊല്ലുന്ന ത്രിശൂലം പിടിച്ചിരിക്കുന്ന ഒരു ദിവ്യ മനുഷ്യനെ (a divine person) കാണുന്ന ഒരു ദർശനം അദ്ദേഹത്തിന് ദിവസവും ലഭിക്കാറുണ്ടായിരുന്നു. ഇതിനകം കൊല്ലപ്പെട്ട ശത്രുക്കളെ താൻ കൊല്ലുകയാണെന്ന് അർജ്ജുനനു തോന്നി. ഈ ദർശനത്തിന്റെ രഹസ്യം വ്യാസമുനി അർജ്ജുനനോട് വെളിപ്പെടുത്തി. ഭഗവാൻ ശിവൻ ശത്രുക്കളെ കൊല്ലുകയാണെന്നും അതിനാൽ അർജ്ജുനന് അവരെ കൊല്ലാൻ കഴിഞ്ഞെന്നും വ്യാസ മുനി പറഞ്ഞു. അർജ്ജുനൻ അഹംഭാവത്താൽ ആക്രമിക്കപ്പെടാതിരിക്കാൻ മാത്രമാണ് ഭഗവാൻ ശിവൻ ഈ ദർശനം അർജ്ജുനന് നൽകിയത്. അതേസമയം, ഈ ദർശനം അർജ്ജുനനല്ലാതെ മറ്റാരും കാണുന്നില്ല, അതിനാൽ ശത്രുക്കളെ വധിച്ചതിന്റെ മുഴുവൻ കീർത്തിയും അർജുനന് ലഭിക്കും. ദൈവത്തിൽ നിന്നുള്ള അത്തരം ദൈവിക സഹായത്തിന്റെ പശ്ചാത്തലം, i) അർജ്ജുനൻ മുമ്പ് ഭഗവാൻ ശിവന് വേണ്ടി ധാരാളം തപസ്സു ചെയ്തു, ii) ഹിമാലയത്തിൽ തപസ്സു ചെയ്യുന്ന നാരായണ മഹർഷിയുമായി ചേർന്ന ഒരു മഹാമുനിയായിരുന്നു അർജ്ജുനൻ. അതിനാൽ, ശരിയായ പശ്ചാത്തലം കൂടാതെ ഭഗവാൻ ശിവൻ അർജ്ജുനനെ അനുകൂലിച്ചില്ല.