എന്താണ് എന്റെ ജീവിതത്തിന്റെ ലക്ഷ്യം?

[Translated by devotees of Swami]

[02-09-2023 ന് ശ്രീ ഹ്രുഷികേഷിന്റെ സഹോദരിയുടെ വിവാഹ ചടങ്ങിലെ സത്സംഗം. സ്വാമി ഉത്തരം നൽകിയ പ്രധാന ചോദ്യങ്ങൾ താഴെ കൊടുക്കുന്നു.]

[മിസ്സ്‌. ആരതി ചോദിച്ചു:- എന്റെ ജോലിസ്ഥലത്ത് ഞാൻ സന്തുഷ്ടയല്ല, ഞാൻ ചെയ്യുന്ന ജോലി എനിക്ക് ഇഷ്ടമല്ല. ഞാൻ എവിടെയാണെന്നും എനിക്ക് കൃത്യമായി എന്താണ് വേണ്ടതെന്നും എനിക്കറിയില്ല. എന്താണ് എന്റെ ജീവിതത്തിന്റെ ലക്ഷ്യം?]

സ്വാമി മറുപടി പറഞ്ഞു:- ആദ്യം നിങ്ങൾ ഭൗതികമായ അച്ചടക്കം വളർത്തിയെടുക്കണം. നിങ്ങളുടെ ജോലിയിൽ താൽപ്പര്യം പ്രകടിപ്പിക്കുകയും അത് നന്നായി ചെയ്യുകയും വേണം. നിങ്ങൾ അത് നന്നായി ചെയ്താൽ, നിങ്ങളുടെ ശമ്പളത്തിന് അത് ന്യായീകരിക്കപ്പെടും. ഇത് അനിവാര്യമാണ്. പക്ഷേ, നിങ്ങൾ ഭൗതിക ജോലിയിൽ അധികം ശ്രദ്ധ കേന്ദ്രീകരിക്കേണ്ടതില്ല. നിങ്ങളുടെ ഒഴിവുസമയങ്ങളിൽ, നിങ്ങൾ ദൈവത്തിൽ ശ്രദ്ധ കേന്ദ്രീകരിക്കണം. നിങ്ങളുടെ ജോലിയിൽ പോലും, നിങ്ങൾക്ക് ദൈവത്തിൽ ശ്രദ്ധ കേന്ദ്രീകരിക്കാൻ കഴിയും, നിങ്ങൾക്ക് കുറച്ച് എക്സ്പീരിയൻസ് ലഭിച്ചതിനാൽ, ജോലി യാന്ത്രികമാകും.

പ്രാരംഭ ഘട്ടത്തിൽ മാത്രം, നിങ്ങൾ ജോലിയിൽ ശ്രദ്ധ കേന്ദ്രീകരിക്കേണ്ടതുളളൂ. സൈക്കിൾ ഓടിക്കാൻ പഠിക്കുമ്പോൾ, ഒരാഴ്ചയോളം നിങ്ങൾ ഓടിക്കാൻ ശ്രദ്ധ കേന്ദ്രീകരിക്കും. പിന്നീട്, നിങ്ങൾ അതിൽ കൂടുതൽ ശ്രദ്ധ കേന്ദ്രീകരിക്കാതെ യാന്ത്രികമായി ഓടിക്കും. ജോലിക്കിടയിലും ദൈവത്തിൽ ശ്രദ്ധ കേന്ദ്രീകരിക്കാൻ ഇത് നിങ്ങളെ സഹായിക്കും. അപ്പോൾ, നിങ്ങൾ എപ്പോഴും ദൈവത്തിൽ ശ്രദ്ധ കേന്ദ്രീകരിക്കുന്ന ഒരു ഭക്തനായി കണക്കാക്കപ്പെടുന്നു. നിങ്ങളുടെ  ജോലിയിൽ നിങ്ങൾ പൂർണത കൈവരിക്കുമ്പോൾ, ജോലി സമയത്തും നിങ്ങൾക്ക് ദൈവവുമായി ബന്ധപ്പെടാൻ കഴിയുമെന്ന് ഗീതയിൽ പറയുന്നു (യോഗഃ കർമ്മസു കൗശലം – ഗീത, Yogaḥ karmasu kauśalam - Gita).