శ్రీహనుమదష్టకమ్‌

శ్రీఆంజనేయాయ నమః ।

అధః పర్వతన్యస్త పాదాగ్రధీరం, జ్వలద్భూరిపిఙ్గాక్ష సన్ధ్యారుణాభ్రమ్‌ ।
మహాసాగరోల్లఙ్ఘనార్థం సమర్థం, హనూమన్తమాకాశవిక్రాన్త మీడే ॥1||

కపిస్తోత్రఘోషై ర్ముహుర్వర్ధమానం, బృహద్దక్షిణాంసోద్గదాదణ్డభాణ్డమ్‌ ।
మహాధైర్యగామ్భీర్యపాధోధిమూర్తిం, హనూమన్తమాకాశవిక్రాన్త మీడే ॥2||

సముత్క్షిప్తవామాఙ్ఘ్రి మాకుఞ్చితాంసం, సముత్పాతలక్ష్యైక కేన్ద్రీకృతాక్షమ్‌ ।
స్థిరబ్రహ్మచర్యజ్వలద్యోగశక్తిం, హనూమన్తమాకాశవిక్రాన్త మీడే ॥3||

మహాదేవమేవావతీర్ణం హిమాద్రే, ర్మహాబ్రహ్మతేజోమహావిష్ణురూపమ్‌ ।
సహాయాయ రామస్య సాక్షాత్త్రిమూర్తిం, హనూమన్తమాకాశవిక్రాన్త మీడే ॥4||

దశాస్యా స్సహస్రం తృణాయేతి భీమం, బృహద్గర్జనం బిభ్రతం భీమపూర్వమ్‌ ।
అహో! దైత్యనాశోత్థితం ధూమకేతుం, హనూమన్తమాకాశవిక్రాన్త మీడే ॥5||

ముఖోర్ధ్వత్రిపుణ్డ్ర త్రిశూలస్థమధ్య- స్ఫురద్వహ్నినేత్రచ్ఛటాకుఙ్కుమాఙ్కమ్‌ ।
సురైః పుష్పవర్షై ర్నతై ర్దుర్నిరీక్ష్యం, హనూమన్తమాకాశవిక్రాన్త మీడే ॥6||

మహావాలలోలోర్మి నిర్ధూతవార్ధి-భ్రమద్వీచిహేలావిభీతాభ్రదేవమ్‌ ।
విదర్భేశపుత్రీపదాన్వేషణాయ, హనూమన్తమాకాశవిక్రాన్త మీడే ॥7||

పదామ్భోజమాత్మీయమేవ శ్రితానాం, విపత్సఙ్కటానాం ప్రహర్తారమేకమ్‌ ।
యశోవాగ్బలాయుర్జయశ్రీకరం తం, హనూమన్తమాకాశవిక్రాన్త మీడే ॥8||

కాశ్యపేన కృతం దివ్య, మిదం హనుమదష్టకమ్‌ ।
సఙ్కటేషు పఠన్ముక్తో, నరో నన్దతి నన్దతి ॥