English »   Telugu »  

Shri Matsyaavataara Ashtakam

श्रीमत्स्यावताराष्टकम्‌
Śrī Matsyāvatārāṣṭakam

ॐ नमो नारायणाय । ॐ नमो विष्णवे ।
चतुर्वेद चौर्यात्खलं सोमकं तं, समुद्रे समन्विष्य दंष्ट्राञ्चलेन ।
सुराभ्यर्थना द्दारयन्तं समन्तात्, भजे नाथ नारायणं मत्स्यरूपम्‌ ॥1॥

Oṃ Namo Nārāyaṇāya । Oṃ Namo Vishnave ।
Caturveda cauryātkhalaṃ somakaṃ taṃ,
Samudre samanviṣya daṃṣṭrāñcalena ।
Surābhyarthanād dārayantaṃ samantād,
Bhaje Nātha Nārāyaṇaṃ Matsyarūpam ॥1॥

लये मग्नभूवार्थि कल्लोलघोषे, स्वपादैकसक्तान् समादाय भक्तान् ।
महानाव मेकं चरन्तं तरन्तं, भजे नाथ नारायणं मत्स्यरूपम्‌ ॥2॥

Laye magnabhūvārthi kallolaghoṣe,
Svapādaikasaktān samādāya bhaktān ।
Mahānāva mekaṃ carantaṃ tarantaṃ,
Bhaje Nātha Nārāyaṇaṃ Matsyarūpam ॥2॥

मुनिभ्य श्श्रितेभ्य स्सदा दर्शयन्तं, जलैः पूरकं कुम्भकं रेचकं च ।
स्वयोगाय कर्तव्य मन्तर्यमाय, भजे नाथ नारायणं मत्स्यरूपम्‌ ॥3॥

Munibhya śśritebhya ssadā darśayantaṃ,
Jalaiḥ pūrakaṃ kumbhakaṃ recakaṃ ca ।
Svayogāya kartavya mantaryamāya,
Bhaje Nātha Nārāyaṇaṃ Matsyarūpam ॥3॥

महापुच्छविक्षेप विच्छेद्यमान-भ्रमत्तुङ्गरङ्गत्तरङ्गोर्ध्ववर्षैः ।
स्वनामैक गीतान् मुनीन् नन्दयन्तं, भजे नाथ नारायणं मत्स्यरूपम् ॥4॥

Mahāpucchavikṣepa vicchedyamāna - Bhramattuṅgaraṅgattaraṅgordhvavarṣaiḥ ।
Svanāmaika gītān munīn nandayantaṃ,
Bhaje Nātha Nārāyaṇaṃ Matsyarūpam ॥4॥

भवाब्धेर् महाब्धेश्च नानाग्रहेभ्यः, सदा रक्षितान् तारयन्तं स्वमूर्ध्ना ।
दयासागरं सागरे केलिलोलं, भजे नाथ नारायणं मत्स्यरूपम्‌ ॥5॥

Bhavābdher mahābdheśca nānāgrahebhyaḥ,
Sadā rakṣitān tārayantaṃ svamūrdhnā ।
Dayāsāgaraṃ sāgare kelilolaṃ,
Bhaje Nātha Nārāyaṇaṃ Matsyarūpam ॥5॥

सदा पापकृत्येषु सर्वेषु सर्वान्, जले मज्जयन्तं सतश्चोद्धरन्तम्‌ ।
स्वयं सर्वसाक्ष्यादिवाक्षि स्वरूपं, भजे नाथ नारायणं मत्स्यरूपम्‌ ॥6॥

Sadā pāpakṛtyeṣu sarveṣu sarvān,
Jale majjayantaṃ sataścoddharantam ।
Svayaṃ sarvasākṣyādivākṣi svarūpaṃ,
Bhaje Nātha Nārāyaṇaṃ Matsyarūpam ॥6॥

युवत्यक्षिमीनैर् भवाम्भोधिमग्नं, सकृत् तात रक्षेति वाचा रुदन्तम्‌ ।
समुद्धृत्य कैवल्यदातार मेकं, भजे नाथ नारायणं मत्स्यरूपम्‌ ॥7॥

Yuvatyakṣimīnair bhavāmbhodhimagnaṃ,
Sakṛt tāta rakṣeti vācā rudantam ।
Samuddhṛtya kaivalyadātāra mekaṃ,
Bhaje Nātha Nārāyaṇaṃ Matsyarūpam ॥7॥

पुरो दुष्कृताम्भोनिधिग्रस्यमानः, प्रभो! पाहि मीनावतारेति याचे ।
सतीतात मुल्लोलयन्तं पयोधिं, भजे नाथ नारायणं मत्स्यरूपम्‌ ॥8॥

Puro duṣkṛtāmbhonidhigrasyamānaḥ,
Prabho! pāhi mīnāvatāreti yāce ।
Satītāta mullolayantaṃ payodhiṃ,
Bhaje Nātha Nārāyaṇaṃ Matsyarūpam ॥8॥

इदं मत्स्यावतारस्य, काश्यपेन कृतं पठन् ।
अष्टकं ह्यष्टकष्टाब्धि-समुत्तीर्णो भवेत् ध्रुवम्‌ ॥

Idaṃ matsyāvatārasya, Kāśyapena kṛtaṃ paṭhan ।
Aṣṭakaṃ hyaṣṭakaṣṭābdhi-Samuttīrṇo bhaved dhruvam ॥

★ ★ ★ ★ ★