శ్రీమత్స్యావతారాష్టకమ్‌

శ్రీమత్స్యావతారాష్టకమ్‌

ఓం నమో నారాయణాయ, ఓం నమో విష్ణవే
చతుర్వేద చౌర్యాత్ఖలం సోమకం తం, సముద్రే సమన్విష్య దంష్ట్రాఞ్చలేన ।
సురాభ్యర్థనా ద్దారయన్తం సమన్తా, ద్భజే నాథ నారాయణం మత్స్యరూపమ్‌ ॥1॥

లయే మగ్నభూవార్ధి కల్లోలఘోషే, స్వపాదైకసక్తా న్సమాదాయ భక్తాన్ ।
మహానావ మేకం చరన్తం తరన్తం, భజే నాథ నారాయణం మత్స్యరూపమ్‌ ॥2॥

మునిభ్య శ్శ్రితేభ్య స్సదా దర్శయన్తం, జలైః పూరకం కుంభకం రేచకం చ ।
స్వయోగాయ కర్తవ్య మన్తర్యమాయ, భజే నాథ నారాయణం మత్స్యరూపమ్‌ ॥3॥

మహాపుచ్ఛవిక్షేప విచ్ఛేద్యమాన-భ్రమత్తుఙ్గరఙ్గత్తరఙ్గోర్ధ్వవర్షైః ।
స్వనామైక గీతా న్మునీ న్నన్దయన్తం, భజే నాథ నారాయణం మత్స్యరూపమ్ ॥4॥

భవాబ్ధే ర్మహాబ్ధే శ్చ నానాగ్రహేభ్య, స్సదా రక్షితాం స్తారయన్తం స్వమూర్ధ్నా ।
దయాసాగరం సాగరే కేళిలోలం, భజే నాథ నారాయణం మత్స్యరూపమ్‌ ॥5॥

సదా పాపకృత్యేషు సర్వేషు సర్వా, న్జలే మజ్జయన్తం సతశ్చోద్ధరన్తమ్‌ ।
స్వయం సర్వసాక్ష్యాదివాక్షి స్వరూపం, భజే నాథ నారాయణం మత్స్యరూపమ్‌ ॥6॥

యువత్యక్షిమీనై ర్భవాంభోధిమగ్నం, సకృ త్తాత రక్షేతి వాచా రుదన్తమ్‌ ।
సముద్ధృత్య కైవల్యదాతార మేకం, భజే నాథ నారాయణం మత్స్యరూపమ్‌ ॥7॥

పురో దుష్కృతామ్భోనిధిగ్రస్యమానః,  ప్రభో! పాహి మీనావతారేతి యాచే ।
సతీతాత ముల్లోలయన్తం పయోధిం, భజే నాథ నారాయణం మత్స్యరూపమ్‌ ॥8॥

ఇదంమత్స్యావతారస్య, కాశ్యపేన కృతం పఠన్ ।
అష్టకం హ్యష్టకష్టాబ్ధి-సముత్తీర్ణో భవే ద్ధ్రువమ్‌ ॥