శ్రీరామావతారాష్టకమ్‌

ఓం నమో నారాయణాయ, ఓం నమో విష్ణవే

అహల్యా శిలావిగ్రహం పాదధూళ్యా, పునర్జీవయన్తం స్త్రియం పావయన్తమ్‌ ।
చలత్కాకపక్షం ప్రభుం బాలరూపం, భజే నాథ నారాయణం రామచన్ద్రమ్‌ ॥1॥

ధనుర్భఙ్గధీరం విదర్భేశపుత్ర్యా, హ్రియా సస్పృహం చేక్ష్యమాణం చలాక్ష్యా ।
నభశ్శ్యామలం కోమలం మోహనాఙ్గం, భజే నాథ నారాయణం రామచన్ద్రమ్‌ ॥2॥

పితుర్వాక్యహేతో ర్విహాయ స్వరాజ్యం, స్వయం తాపసం వల్కలాఙ్గం వనస్థమ్‌ ।
మునీనాం చ మోహావహం చాపహస్తం, భజే నాథ నారాయణం రామచన్ద్రమ్‌ ॥3॥

జుటాయు స్సమాశ్లేష దుఃఖం దయాబ్ధిం, శబర్యార్చితం దష్టదృష్టైః ఫలైశ్చ ।
హనూమన్తమాఖ్యాన్త మప్యన్యవేషమ్‌, భజే నాథ నారాయణం రామచన్ద్రమ్‌ ॥4॥

ధనుః కర్షణాదేవ వార్ధిం నయన్తం, ప్రపన్నం శరై ర్దైత్యవంశాంతకం చ ।
దశాస్యాబ్జమాలాం భువే చార్పయన్తం, భజే నాథ నారాయణం రామచన్ద్రమ్‌ ॥5॥

త్రిభి స్సోదరై రఙ్కసీతాకళత్రం, మునీన్ద్రై స్సురైః పౌరదైత్యై స్సమేతమ్‌ ।
ధనుర్బాణపాణిం చ పట్టాభిషిక్తం, భజే నాథ నారాయణం రామచన్ద్రమ్‌ ॥6॥

దశాస్యం చ పాయాం శరణ్యం వ్రజేచ్చే, దితి వ్యాహరన్తం దయాప్రేమసిన్ధుమ్‌ ।
సతీబాణ వాక్యేష్వనన్యవ్రతస్థం, భజే నాథ నారాయణం రామచన్ద్రమ్‌ ॥7॥

అహో! సద్గుణాబ్ధిం క్వచి చ్చాప్యదోషం, నరాదర్శ మేకైక ధర్మావతారమ్‌ ।
భవం తారయన్తం స్వనామ్నా పవిత్రం, భజే నాథ నారాయణం రామచన్ద్రమ్‌ ॥8॥

రామచన్ద్రాష్టకం దివ్యం, కాశ్యపేన కృతం పఠన్ ।
సాక్షాద్భవతి సంసారా, న్ముక్త్త స్సర్వభయాదపి ॥