శ్రీవామనావతారాష్టకమ్‌

ఓం నమో నారాయణాయ, ఓం నమో విష్ణవే

శిశుం కాశ్యపం ముణ్డితం శీర్షవృత్త-స్ఫురత్తామ్రవస్త్రం భుజచ్ఛత్రదణ్డమ్‌ ।
బలేర్దర్శనాయావతీర్ణం సుహాసం, భజే నాథ నారాయణం వామనం తమ్‌ ॥1॥

మహాసున్దరం కోమలం బ్రహ్మతేజో-మహాంభోధి మూర్తిం మనో మోహయన్తమ్‌ ।
ముహుః పల్లవోష్ఠస్మితం బాలభిక్షుం, భజే నాథ నారాయణం వామనం తమ్‌ ॥2॥

బలే స్సార్వభౌమా త్త్రిపాదై ర్మితాం గాం, స్మితానన్తరం యాచమానం సభాస్థాన్ ।
స్వవర్చోభిరాశ్చర్యమగ్నా న్విధాయ, భజే నాథ నారాయణం వామనం తమ్‌ ॥3॥

హినస్తి స్మ యో రాజపాణిస్థపాత్రే, భృగో రక్షిదర్భేణ దానామ్బురోధాత్‌ ।
అజానన్త మేవేవ చ వ్యాకులాస్యం, భజే నాథ నారాయణం వామనం తమ్‌ ॥4॥

హఠాద్వర్ధమానం తధైవాఙ్గవేషం, భువం ఖం చ పాదద్వయే నాక్రమన్తమ్‌ ।
బలే రానమన్మస్తక న్యస్తపాదం, భజే నాథ నారాయణం వామనం తమ్‌ ॥5॥

భువర్భూద్వయాఙ్ఘ్రిం సువర్లోకజానుం, మహస్స్థోరుమధ్యోజ్జనం చాత్మవత్సే ।
తపోలోక మాస్యే చ సత్యాఖ్యలోకం, భజే నాథ నారాయణం వామనం తమ్‌ ॥6॥

పదా పీడయన్తం బలిం నమ్రమౌళిం, శనైః ప్రాపయన్తం చ నిమ్నస్థలోకమ్‌ ।
కరేణాభయం వాసవాయ ప్రదాతుం, భజే నాథ నారాయణం వామనం తమ్‌ ॥7॥

అహఙ్కార మస్మాకమేవం హ్యధస్తా, ద్బలోన్మత్త మాపీడయన్తం స్వభక్తమ్‌ ।
సదా ద్వారపాలం బలిం సేవమానం, భజే నాథ నారాయణం వామనం తమ్‌ ॥8॥

ఇదం వామన రూపస్య, కాశ్యపస్యాష్టకం పఠన్ ।
కాశ్యపేన కృతం భక్త్యా, నమ్రో భవతి రక్షితః ॥